വിചാരങ്ങളുടെ ശരമുനകളില്
എനിക്ക് നീയൊരു മെത്ത പണിതു
അവമാനങ്ങളുടെ നഗ്നതകള് കൊണ്ടു
നീ എനിക്ക് ചേല തുന്നി
വേദനയുടെ വെടിപ്പഴുതുകളിലൂടെ
നീ എനിക്ക് ജീവിതം കാണിച്ചു
സ്വപ്നങ്ങളുടെ മരീചികയില്
നീ എനിക്ക് ഇളവേല്ക്കാന് ഇടം തന്നു
പിന്നെയെനിക്ക് കണ്ണും കാതും ഉറച്ചപ്പോള്,
നാക്കില് വാള് കുലച്ചപ്പോള്
മദ്യം തന്നു
സ്വപ്നങ്ങള് എഴുനേറ്റു നിന്നപ്പോള്
മദിരാക്ഷി തന്നു
ഇനി നീ ജീവിതമേ ഒരു മുഴം കയറു കൂടി തരിക!
വെട്ടിയും തിരുത്തിയും പിന്നെയും കുറിക്കാനും
നീ എന്നെ തന്നെ കാലമാക്കുക
No comments:
Post a Comment